- Majalisar Wakilai ta roƙi Kungiyar Ƙwadagon NLC (National Labour Congress) da ta fasa yajin aikin da aka shirya kan ƙarin kuɗin waya, wanda aka samu bayan ƙara farashin sabis ɗin wayar salula.
A cikin zaman majalisar, wasu 'yan majalisar sun bayyana damuwarsu game da ƙarin farashin sabis ɗin waya, wanda ya shafi masu amfani da wayoyin salula da dama, musamman a cikin al'umma mai ƙarancin kuɗi.
Sun bayyana cewa ƙarin wannan kuɗin zai iya haifar da matsaloli ga jama'a, kuma suna ganin cewa akwai bukatar a duba wannan batun kafin a aiwatar da shi.
Majalisar ta roƙi NLC da ta ƙara la'akari da bukatar jama'a wajen yanke shawarar yajin aikin, saboda ƙarin farashin waya yana iya kawo cikas ga rayuwar al'umma Haka kuma, majalisar ta bayyana cewa za su cigaba da bincike da tattaunawa kan wannan batu domin samun mafita mai kyau da za ta dace da bukatun kowanne ɓangare.
A kwanan nan ne hukumar sadarwa ta kasar ta amince da bukatar kamfanonin sadarwa ta kara kudin sadarwa da kashi 50 cikin dari saboda dalilai na karuwar kudin gudanar da harkokin kamfanonin.
Dangane da karin ne kungiyar ta NLC ta lashi takobin shiga yajin aikin kassa baki daya, tana mai kira ga gwamnatin tarayya da majalisun dokoki na tarayya su koma ga tsohon farashin.
Kungiyar ta ce yajin aikin zai zama gargadi ga gwamnati kan hadarin irin wannan karin a kan al'ummar da ke fama da tsadar rayuwa - wadda mafi kankantar albashinta shi ne naira 70,000.
Kungiyar NLC ta sanar da shirye-shiryen yajin aikin ne bayan samun labarin ƙarin farashin sabis ɗin waya, wanda ya jawo ƙaruwar damuwa daga al'umma. Amma har yanzu, ba a yanke hukunci na karshe game da yajin aikin ba, kuma Majalisar Wakilai tana jiran amsa daga NLC kan wannan roƙon.
Post Nasir salisu...